Haustmót JSÍ fyrir keppendur yngri en 20 ára fór fram núna um helgina (19.-20.9.2008) í húsnæði Júdófélags Reykjavíkur. Ármenningar stóðu sig vel að vanda þó að þeir hefðu gjarnan mátt vera fleiri, sérstaklega í yngstu hópunum.

Eins og jafnan áður vann Rihard Jansons til gullverðlauna í sínum flokki (U15, -60kg) og hafði þar mikla yfirburði.  Segja má að Ármenningar hafi átt í U20, -81kg flokkinn þar sem Birgir Páll Ómarsson sigraði eftir harða rimmu við Sveinbjörn Jun Iura og Aron Leví Stefánsson varð í þriðja sæti.  Stefán Ingi Ómarsson stóð sig líka vel og vann til tveggja silfurverðlauna (U17, -60kg og U20, -60kg).

Vernharð Þorleifsson og Þorvaldur Blöndal voru nýverið ráðnir þjálfarar meistaraflokks Júdódeildar Ármanns. Ólympíufarinn Vernharð var um árabil fremsti júdómaður Íslendinga og vann m.a. til 7 Norðurlandameistaratitla, gull á smáþjóðaleikum auk fjölda annarra verðlauna í alþjóðlegum keppnum. Þorvaldur hefur unnið til fjölmargra Íslandsmeistaratitla á síðustu árum auk þess að vera þrefaldur Norðurlandameistari (síðast 2008) og hafa þrisvar unnið til gullverðlauna á smáþjóðaleikum.

Íslandsmótið í júdó fór fram í Laugardagshöllinni í gær, laugardaginn 26. apríl. Það er skemmst frá því að segja að Ármenningar stóðu sig frábærlega á mótinu og voru með helming gullverðlauna; 7 af 14 mögulegum.

Hápunktur mótsins var í sveitakeppninni þar sem sveitir Ármanns og JR glímdu til úr