Núna á laugardaginn 5.12.2009 fóru fram úrslitin í bikarkeppni JSÍ. Bikarkeppnin er sveitakeppni þar sem fimm manna sveitir eigast við. Selfoss, KA, ÍR, Ármann og JR höfðu sent sveitir til leiks en í úrslitum voru fjórar sveitir eftir, A og B sveitir bæði Ármenninga og JR.

Lokaumferð bikarmótsins verður í JR í Ármúla 17 næsta laugardag.

Júdódeild Ármanns hefur á undanförnum misserum mótað sér afreksstefnu þar sem leitast er við að styðja sem best við bakið á þeim sem vilja leggja á sig þá miklu vinnu og fórnir sem til þarf, ef einstaklingurinn vill komast í fremstu röð á heimsvísu. Hluti af þessari afreksstefnu var stofnsetning hins svokallaða úrvalsliðs Júdódeildarinnar, þar sem teymi þrautreyndra þjálfara sníður æfinga- og keppnisáætlanir fyrir hvern og einn, ráðleggur um mataræði og fylgist með framförum á öllum sviðum íþróttarinnar.